الحياة مليانه بالعقبات والحواجز فمن السهل جدا تنزلق للحديث الذاتي السلبي لما تواجه النكسات ، النظرة المتشائمة دي لها تأثير على عقلك أكثر مما تتخيل ، اسمح لي أشاركك بعض التأكيدات الشائعة اللي لازم توقفها فورا وبعض البدائل الإيجابية لها.
قانون الجذب هو عملك من الآن
هو القانون الأكثر قوة في الكون لأنه زى الجاذبية الأرضية بالظبط فهو دائما مؤثر ودائم في الحركة وتأكد من انه شغال في اللحظة اللي احنا فيها دى ، فببساطة قانون الجذب بيقول أنك هتجذب لحياتك اى شيء انت مركز عليه مهما كانت طاقتك واهتمامك و لو انت مركز على النقص او السلبية اللي في حياتك كن متأكد انك هتجذب المزيد منها.
استبدل التأكيدات السلبية من الآن !
الرسائل السلبية اللى بتقولها لنفسك ممكن ستؤدي إلى الاكتئاب الحاد وعدم احترام الذات وانخفاض الثقة بالنفس، لو بتستخدم أي تأكيدات سلبية يجب أن توقفها تستبدلها من دلوقتى و دى امثلة من اشهر التأكيدات اللي الناس ديما بتقولها :
- المال اصل كل شر
- وجود المال يخلق المشاكل
- او عدم راحة البال
- المال خطئية
- الأغنياء حرميه !
مفيش خطأ او عيب او حرمانيه في الرغبة في امتلاك ثروة مالية ، ممكن تعمل خير كتير لنفسك ولأسرتك ولوطنك وللعالم بإمتلاكك لأصول مالية كبيرة او للمال بصفة عامه لأن المال بحد ذاته ليس مشكلة وانما المشكلة هو عدم المعرفة بالتعامل مع المال وده من أحد اهداف صفحتي.
استبدل التأكيدات السلبية دى بـ "حياتي وفيرة في كل شيء"
- انا صعيدي و دماغي مقفلة
- ما تعصبنيش احسن لك
- لما بتعصب لا بشوف و لا بسمع !
المهم انك تركز على اللي انت عايزه مش على اللي انت مش عايزه ودى اساس قاعدة التأكيدات الإيجابية ، اذكر رغبتك بطريقة ايجابية، لأن نظام عمل العقل انه بيعمل بالصور فإنت لما تقول كده، بتخلق صورة و ذبذبات غاضبة و الكون من حولك يتلقى الذبذبات دى و بيستجيب لك كل حاجة حواليك لأن كل حاجة عبارة عن طاقة و الطاقات الغاضبة تنجذب لك وقتها وتلاقى اللي طلع لك ينرفزك او اى موقف يحصل يزيد من غضبك، فيجب التركيز على اللي انت عايزه يكون و ساعتها هتكون احسن وفى تحسن مستمر.
فقط استبل الكلمات دى بـ "عايز اكون احسن من كده" او "عايز اكون هادىء و متفهم" او "ان شاء الله هادى و مركز معاك"
- مش عايز اكون مريض
- خايف امرض زى بابا
- انا هموت محروقة !
- المرض ده وراثة في العائلة !
عندنا ميل على التركيز على ما لا نريد في كتير من شئون حياتنا حتى لما يتعلق الأمر بصحتنا ، لما نواجه مرض بنشعر بالقلق كبير من المشكلة بدلا من من التركيز على النتيجة المرجوة ونميل للتركيز الكامل على المرض وكل محتوياته بدلا من التركيز على أن الصحة و العلاج للتشافى .
هنا انت بتطلع طاقات سلبية خطيرة جدا من جسمك بتملىء المكان بالذبذبات المرضية و الطاقات السلبية و كان فى بحث عن ممرضة كانت فى متخصة بغرفة معينة لمرضى الاورام و كانوا كل اللى بيدخل الغرفة دى و بتعامل مع الممرضة دى بيموتوا ولقوا ان الممرضة دى ديما مش راضية عن حالها و عبوثه الوجه و بتفكر فى المرض مش فى الصحة و الإبتسامة ببساطة.
ممكن تستبدل التأكيدات السلبية دى بأنك تتوقع دائما الخير (تفائلوا بالخير تجدوه) و تقول"انا ديما بتمتع بحيوية و صحة و قوة"
اللى هتركز عليه هيكبر من تلقاء نفسه لأن العقل لا ينام و ربنا خلقه ناجح و يعمل و لا يتقزف ابدا حتى و انت نايم فمجرد انك تفكر بتركيز و اهتمام في حاجة بيكبرها و يركز عليها عشان توسع و تنجح فحافظ على أفكارك انها تكون دائما إيجابية ومتفائلة وشوف نفسك دائما في صحة كاملة حتى و انت تعبان عشان عقلك ما يشتغلش ضدك وتحفز نفسك وتحس بتحسن .
لتعزيز عملية التشافى نمى الطاقة الإيجابية والأفكار والتصورات والتأكيدات والصلاة والتأمل و الطبيعية التكاملية أو العلاجات الطبية التقليدية مع الطاقة الإيجابية تقوى المناعة والنفس و الجسم و العقل وتعزز عملية الشفاء .
- انا فاقد السيطرة على حياتي
- البلد وحشة
- انا مبعرفش !
في أوقات في حياتك ممكن تحس فيها كأنك مش قادر تسيطر على اللي بيحصل حواليك ، افتكر ساعتها أنك مسؤول دائما عن طريقة التعامل مع الأشياء اللي بتحصل دى، الأفكار السلبية غالبا بتسبب مشاعر اليأس و الإحباط، إبدأ بالتفكير بشكل إيجابي في الأمور دى واعترف بأنك مسؤول.
استبدل التأكيدات السلبية دى بـ "انا ممتن لكل تجربة في حياتي" او "انا بتعلم من أخطائي" او "انا بشر و البشر خاطئين و خير الخطائين التوابين وبتعلم من أخطائي" ، فكر بشكل مختلف وإيجابي
نصيحة
ابذل مجهود واعي لإعادة هيكلة الطريقة اللي بتفكر و تتكلم بيها و تجنب أي طاقة في الأشياء اللي مالهاش لزوم واللي انت مش عايزها في حياتك ، تجنب إخضاع نفسك ، أفكارك ، عواطفك للناس والتأثيرات السلبية في حياتك ، ودلوقتى فرصتك عشان تفكر بشكل مختلف وهو التتغيير من التأكيدات السلبية إلى الإيجابية وهي اول خطة في الاتجاه الصح في حياتك .
زى ما تعودن هسيب لك واجب صغير في تعليق :
اكتب التأكيد السلبى اللي كنت بتستخدمه واكتب التأكيد الإيجابي اللي هيحل محله وكن على يقين انى متابع معك.
افتكر ان مفيش حاجة هتتغير للأفضل لحد ما انت تعمل حاجة – كتب قبل كده دليل عن التأكيدات الإيجابية اليومية و إعادة شحن طاقتك .
ليست هناك تعليقات:
إرسال تعليق
#مهنة_سعيدة